• Зурхай
  • 2016 оны 8 сарын 19
    ”Рио 2016” олимпийн наадамд оролцсон жүдо бөхийн баг тамирчид өнөөдөр эх орондоо ирлээ. Риод 13 тамирчинтай зорьсон жүдогийн шигшээ баг нэг мөнгө, хоёр тавдугаар байр, нэг долдугаар байрыг эзэлсэн амжилтыг үзүүлсэн. Тодруулбал, эмэгтэйчүүдийн 57 кг-ын жинд Доржсүрэнгийн Сумъяа мөнгөн медаль хүртэж, 48 кг-д Гавьяат тамирчин М.Уранцэцэг, эрэгтэйчүүдийн 90 кг-д Д.Отгонбаатар нар хүрэл медалийн төлөөх барилдаанд ялагдан V байрыг эзэлсэн юм.
  • 2016 оны 8 сарын 18
    ”Лондон 2012” олимпийн аварга, дэлхийн хошой аварга Японы алдарт бөх Каори Мацүмотой барилдаж, 25 секундэд цэвэр ялан мөнгөн медалийн болзол хангаж, аваргын төлөө дэвжээний эзэн орны бөх Рафаэль Силвад ялагдлаа.
  • 2016 оны 8 сарын 16
    Бразилийг зорьсон Казахстан улсын тамирчдын түрүүч нутагтаа очоод байна.
  • 2016 оны 8 сарын 16
    Олимпийн наадмын -90кг-д өрсөлдсөн ОУХМ Л.Отгонбаатар хүрэл медалийн төлөөх барилдаанд гэмтэл авсан билээ.
  • 2016 оны 8 сарын 12
    Бразилийн Рио-де-Жанейро хотноо болж буй Зуны Олимпийн XXXI наадам өнөөдөр долоо дахь өдрөө үргэлжлэн явагдана. Олимпийн наадмын эхний өдөр эхэлсэн жүдо бөхийн төрлийн тэмцээн эрэгтэйчүүдийн +100 кг, эмэгтэйчүүдийн +78 кг-ын жингийн барилдаанаанр өндөрлөнө. Эрэгтэйчүүдийн +100 кг-ын жинд өрсөлдсөн Б.Тэмүүлэн тэмцээнээ өндөрлүүллээ. Манай бөх эхний тойрогт Алжирын бөх Амине Мохаммед Таебтэй барилдаж, вазари үнэлгээ алдан ялагдлаа.  
  • 2016 оны 8 сарын 12
    Олимпийн наадмын эхний өдөр эхэлсэн жүдо бөхийн төрлийн тэмцээн эрэгтэйчүүдийн +100 кг, эмэгтэйчүүдийн +78 кг-ын жингийн барилдаанаанр өндөрлөнө. Өнөөдөр манай жүдочдын сүүлийн найдвар Олимпийн наадамд тугчийн үүргийг гүйцэтгэсэн Б.Тэмүүлэн барилдана.
  • 2016 оны 8 сарын 12
    Олимпийн наадмын эхний өдрөөс эхэлсэн жүдо бөхийн төрөлд дэлхийн 136 орны жүдочид өрсөлдөж байна. Манай улсаас 13 тамирчин оролцож байгаагаас эмэгтэйчүүдийн 57 кг-ын жинд Гавьяат тамирчин Д.Сумъяа мөнгөн медаль хүртсэн. Одоогоор нийт 25 орон медаль хүртжээ. Япон улс сүүлийн өдрүүдэд хүнд жинд үзүүлсээр амжилтаар 3 алттай болж, жагсаалтыг тэргүүлж эхэлсэн бол ОХУ 2 алттай удаалж байна. Тэгвэл Итали, АНУ, Бразил, Словени, Аргентин, Чех, Косово улсаас олимпийн аварга төрөөд байна. Манай улс жагсаалтыг 15-р байрт нэг мөнгө, хоёр тавдугаар байр, нэг долдугаар байр эзэлсэн амжилттайгаар бичигдлээ.
  • 2016 оны 8 сарын 11
    Эрэгтэй 100 кг-ын жинд Н.Түвшинбаяр “А” хэсэгт багтсан. Тэрбээр эхний тойрогт дэлхийн аварга Кубын Жозе Арментерозтай барилдаж, юүко үнэлгээгээр ялагдан тэмцээнээ өндөрлүүллээ.
  • 2016 оны 8 сарын 11
    Бразилийн Рио-де-Жанейро хотноо болж буй Зуны Олимпийн XXXI наадмын тав дахь өдөр жүдо бөхийн тэмцээн үргэлжлэн явагдлаа. Эрэгтэйчүүдийн 90 кг-д өрсөлдсөн Л.Отгонбаатар хүрэл медалийн төлөө БНХАУ-ын Чэн Жаотой барилдан юүко үнэлгээгээр ялагдлаа. Манай бөхийн ийнхүү Олимпийн наадмын V байрыг эзэллээ.
  • 2016 оны 8 сарын 11
    Л.Отгонбаатар ”D” хэсэгт багтсан бөгөөд Нидерландын Нёл Ван Т Энди, олимпийн мөнгөн, дэлхийн аваргын алт, хүрэл медальт Кубын Эшли Гонзалесыг ялснаар шөвгийн наймд үлдсэн юм. Хагас шигшээд үлдэх эрхийн барилдаанд Гүржийн В.Липартелианд дийлдсэн ч дагах барилдаан хийх эрхтэй үлдсэн юм.
  • 2016 оны 8 сарын 11
    Эрэгтэйчүүдийн 90 кг-д өрсөлдөж буй Л.Отгонбаатар шөвгийн наймд үлдлээ. Манай бөх эхний тойрогт Нидерландын Нёл Ван Т Эндиг цэвэр, удаах тойрогт Кубын Эшли Гонзалесыг торгуулиар ялснаар хэсгийн аваргын төлөө барилдахаар боллоо. ”Лондон-2012” олимпийн мөнгө, ДАШТ-ий алт, хүрэл медальт Эшли Гонзалес дөрвөн торгуул авснаар манай бөх цэвэр ялалт авсан юм.
  • 2016 оны 8 сарын 10
    Бразилийн Рио-де-Жанейро хотноо болж буй Зуны Олимпийн XXXI наадмын тав дахь өдөр жүдо бөхийн тэмцээн үргэлжлэн явагдаж байна. Эрэгтэйчүүдийн 90 кг-д өрсөлдөж буй Л.Отгонбаатар ”D” хэсэгт багтсан. Тэрээр эхний барилдаанаа Нидерландын Нёл Ван Т Энд-тэй хийж, цэвэр ялалт авлаа. Барилдаан гурван минут гаран үргэлжилсэн. Манай бөх шөвгийн наймд үлдэх эрхийн барилдаанд Куба, Украины бөхчүүдийн аль хожсонтой нь барилдана. Энэ жинд нийт 30 бөх барилдаж байна. Ч.БОЛ
  • 2016 оны 8 сарын 10
    Энэ цагт жүдогийн тэмцээн эхэлсэн бөгөөд Ц.Наранжаргал эхний тойрогт ялагдаж, тэмцээнээ дуусгалаа.

    Эмэгтэй 70 кг-д 24 тамирчин өрсөлдөж байна. Ц.Наранжаргал ”А” хэсэгт багтсан бөгөөд эхний тойрогт Гүржийн Эстер Стам-тай барилдаж, ялагдсанаар тэмцээнээ өндөрлүүллээ.
  • 2016 оны 8 сарын 10
    Бразилийн Рио-де-Жанейро хотноо Зуны Олимпийн XXXI наадам өнөөдөр тав дахь өдрөө үргэлжлэн явагдана. Энэ өдөр байт харваа, сагсан бөмбөг, бокс, дугуй, хөлбөмбөг, гимнастик, буудлага, усанд сэлэлт, ширээний теннис, волейбол, туялзуур сэлэм болон хүндийн өргөлт, жүдо бөх зэрэг спортын 24 төрлийн тэмцээн уралдаан болно.

    Монголын баг тамирчид өнөөдөр хүндийн өргөлт, жүдо бөх, боксын төрлүүдэд өрсөлдөнө. Дараах тамирчид тэмцээнтэй. Жүдо бөх эрэгтэй 90 кг-д Л.Отгонбаатар, эмэгтэй 70 кг-д Ц.Наранжаргал, хүндийн өргөлтийн эмэгтэйчүүдийн 69 кг-д М.Анхцэцэг нар медалийн төлөө өрсөлдөх бол боксын 56 кг-д Э.Цэндбаатар Кени, 64 кг-д Б.Чинзориг Катарын боксчинтой шөвгийн наймын тулаанаа хийнэ.

    Жүдо бөх 22.00 цагаас эхлэх бол хүндийн өргөлтийн шөнийн 03.30 цагаас болно. Мөн боксын 00:15, 05:45 цагуудаас болох хуваарьтай.
  • 2016 оны 8 сарын 10
    Энэ удаагийн Олимпийн наадамд допингийн асуудлаас болж манай хойд хөршийн олон тамирчид Бразилд ирж чадаагүй. Тиймээс ОХУ-ын баг тамирчдын амжилт анхаарлын төвд байсаар байна. Харин жүдо бөхийн тэмцээний эхний өдрөөс Оросын баг медалийн буухиаг эхлүүлж, хоёр алт, нэг хүрэл медалийг хүртээд байна.
  • 2016 оны 8 сарын 9
    Эмэгтэй 63 кг-ын жинд нийт 26 бөх барилдаж байна. Дэлхийн аваргын хүрэл медальт, ”Лондон-2012” олимпийн наадмын V байрын эзэн Ц.Мөнхзаяа ”А” хэсэгт багтсан. Манай бөх эхний тойрогт Морокогийн тамирчин З.Ризлэнг цэвэр хожсон ч Хятадын бөхөд даралтаар цэвэр ялагдан тэмцээнээ дуусгалаа.
  • 2016 оны 8 сарын 9
    Бразилийн Рио-де-Жанейро хотноо болж буй Зуны Олимпийн XXXI наадмын дөрөв дэх өдрийн тэмцээн эхэллээ. Энэ өдөр жүдо бөхийн эрэгтэйчүүдийн 81, эмэгтэйчүүдийн 63 кг-ын жингийн барилдаан болж, медальтнууд тодорно.
  • 2016 оны 8 сарын 9
    Бразилийн Рио-де-Жанейро хотноо болж буй Зуны Олимпийн XXXI наадмын дөрөв дэх өдрийн тэмцээн эхэллээ. Энэ өдөр эрэгтэйчүүдийн 81, эмэгтэйчүүдийн 63 кг-ын жингийн барилдаан болж, медальтнууд тодорно.
  • 2016 оны 8 сарын 9
    Тэд бүгд медаль авах боломжтой гэж нэрлэгдэж байсан. Тэр ч ёсоор боллоо. Гэхдээ тэднээс хамгийн ахмад нь Португалын Телма Монтейро юм. Тэр энэ жил 31 настай. Түүний хувьд дэлхийн аваргаас дөрвөн мөнгө, нэг хүрэл, Европын аваргаас таван алтан медаль хүртээд байсан юм. Түүнд зөвхөн олимпийн медаль дутуу байлаа. Гэвч тэр энэ хүслээ Бразилд биелүүлж чадав.
  • 2016 оны 8 сарын 9
    Бразилийн Рио-де-Жанейро хотноо болж буй Зуны Олимпийн XXXI наадмын гурав дахь өдөр болсон жүдо бөхийн эмэгтэйчүүдийн 57 кг-ын жинд дэлхийн аваргын хүрэл медальт, Гавьяат тамирчин Д.Сумъяа мөнгөн медаль хүртсэн.
  • 2016 оны 8 сарын 9
    Бразилийн Рио-де-Жанейро хотноо болж буй Зуны Олимпийн XXXI наадмын гурав дахь өдөр жүдо бөхийн тэмцээн үргэлжлэн явагдлаа. Энэ өдөр эрэгтэйчүүдийн 77 кг, эмэгтэйчүүдийн 57 кг-ын жингийн барилдаан болж, медальтнууд тодорсон.