Сар шинийн баярын өдрүүдэд нийтийн зорчигч тээврийн үйлчилгээ  шинийн 1 буюу 02 – р сарын 14 –нд   07.00 цагаас,  шинийн 1,2  буюу  02 –р сарын 15,16 –нд  08.00  -22.30  цаг  хүртэл ажиллана. Энгийн баяр, амралтын өдрүүдэд өдөр тутам үндсэн чиглэлд  511, туслах чиглэлд  319, хот орчимд 44, нийт 830 автобус, тролейбус ажилладаг бол сар шинийн өдрүүдэд тоог нь нэмэгдүүлж нийт 957 тээврийн хэрэгсэл ажиллахаар төлөвлөөд байна. Нийслэл хотын дотор таксийн үйлчилгээнд 21 аж ахуйн нэгж байгууллагын 600 такси шугаманд үйлчилж байгаагаас 300 орчим нь 24 цагаар  үйлчилнэ. Мөн 2009 оны 02 –р сарын 14 –ны өдрөөс 02 –р сарын 16 –ны өдрийг дуустал хөдөлмөрчдийн хүсэлтээр бага оврын автобусаар захиалгат үйлчилгээг 08.00 -22.30 цагийн хооронд явуулах ба захиалгыг 321490, 313276 дугаарын утсуудаар авна. Захиалгат үйлчилгээнд нийт 52 бага оврын автобус хамрагдаж хотын захын гэр хорооллын 11 чиглэлээс үйлчлэх ажээ. Сар шинийн баярын өдрүүдэд нийслэл Улаанбаатар хотод үйлчилгээний байгууллагууд хэрхэн ажиллах талаарх дэлгэрэнгүй хуваарийг бид цаашид уншигчдадаа хүргэх болно.

Д.Цэц