Худалдаа, үйлчилгээний байгууллагуудын баярын өдрүүдэд  ажиллах цагийн хуваарь гарчээ.  Хүнсний дэлгүүрүүд  хоёрдугаар  сарын  13 –нд  09.00 –24.00 цагт ажиллаж, хоёрдугаар  сарын 14, 15, 16 –нд амарч, 17-ны өдрөөс эхлэн ердийн цагийн хуваарийн дагуу ажиллана. Харин “Номин холдинг” ХХК –ны салбар  дэлгүүрүүд  битүүний өдөр буюу хоёрдугаар сарын 13 –нд  09.00 – 22.00  цагт ажиллаж, 14, 15  –нд амарна.   Номингийн бүх салбарууд  хоёрдугаар сарын 16 -аас  эхлэн ердийн цагийн хуваарийн дагуу ажиллах юм байна. “Боса”  сүлжээний  дэлгүүрүүд  баярын өдрүүдэд амралтгүйгээр 09.00 –24.00 цагийн хооронд ажиллана. Шинийн нэгний өдөр буюу хоёрдугаар сарын 14 –нд  “Боса -2”,  “Боса -3”, “Боса -5”  дэлгүүрүүд амарна. Хоёрдугаар сарын 15 –аас эхлэн ердийн цагийн хуваарийн дагуу ажиллана. Хамгийн олон сүлжээ дэлгүүртэй “Миний дэлгүүр”  сүлжээний   хувьд хоёрдугаар  сарын  13 –нд  09.00 –24.00 цагт ажиллаж ,14 –ны өдөр  амраад, 15–наас ердийн цагийн хуваарийн дагуу ажиллана.