Монгол Улсын даян аварга Агваансамдангийн Сүхбат жил бүрийн сар шинийн барилдааны үеэр шилдэг залуу бөхчүүдэд "Ирээдүйн аварга" нэртэй шагнал гардуулдаг уламжлалтай. Даян аваргын нэрэмжит энэхүү шагналыг энэ удаа Увс аймгийн Тэс сумын харьяат, аймгийн арслан Баасанхүү хүртэж, даян аварга А.Сүхбат, аварга С.Мөнхбат нар шагналыг гардууллаа. Аваргын нэрэмжит "Ирээдүйн аварга" шагналыг энэ жилийн сар шинийн барилдаанаас эхлэн Монгол Улсын Аваргуудын Зөвлөлийн шагнал болгон нэрлэж байхаар болжээ.