Ойрд Станфордын музей дээр Греек Ромын сонгодог урлагийн олдворуудыг үзүүлэн таниулах хичээлд оролцсон тул Азийн хэсгээс хэдэн зураг дарж амжив. Энэ хүрэн паалан хээтэй бор шавар ваарыг Юанийн үеийнх гэнэ. Ур хийц, арга барил нь баруун зүгээс, бага Азиас орж ирсэн, голдуу Тангууд улс хавьд хийдэг байсан ч хожим саяхан болтол Монгол нутагт өргөн дэлгэр хэрэглэгдэж байсан ваар юм шиг байна. Хөдөө айл амьтанд амсар нь эмтэрхий ч айраг цагаа хийгээд байдаг иймэрхүү ваар зөндөө байдаг даа.