• Зурхай

Барилгын материалд зориулж 70.7 тэрбум төгрөг байршуулжээ

2013 оны 5 сарын 10

Барилгын салбарын “сезон” эхэлж буй учраас бараа, материалын үнэ, нийлүүлэлтийг тогтвортой байлгах зорилгоор Монголбанкнаас арилжааны банкуудаар дамжуулж хөнгөлөлттэй зээл гаргаж байна. Тодруулбал, Төв банкнаас “Барилгын салбарыг дэмжих, улмаар орон сууцны үнийг тогтворжуулах” дэд хөтөлбөрийг хэрэгжүүлж байгаа бөгөөд энэ дагуу тавдугаар сарын 8-нд гэрээний үндсэн дээр 6.5 тэрбум, тавдугаар сарын 9-нд 64.2 тэрбум төгрөгийн эх үүсвэрийг арилжааны банкуудад байршуулжээ. Ингэхдээ банкнаас эцсийн зээлдэгчийн авах зээлийн хүү 7.0 хувь байхаар тогтоосон байна.

Ийнхүү нийт 70.7 тэрбум төгрөгийг барилгын гол материал гаднаас оруулж ирэх хүмүүст зориулан гаргасан ажээ. Өөрөөр хэлбэл, цемент, арматур оруулж ирдэг хүмүүс арилжааны банкнаас хөнгөлөлттэй зээл авч, үйл ажиллагаагаа явуулж болох тухай албаныхан онцоллоо.

У.БОЛОР
АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна