• Зурхай

Цэрэг татлага баасан гаригт эхэлнэ

2013 оны 10 сарын 15

Цэргийн шинэ албанд иргэдийг татах, гэрээт цэрэгт элсүүлэх ажил энэ сарын 18-20-нд болно. Харин нийслэлийн хэмжээнд цэргийн алба хаах хугацаа дуусч, бэлтгэлээр халагдсан байлдагч, түрүүчийг өнөөдрөөс эхлэн энэ сарын 17-нийг хүртэл хүлээн авахаар бэлтгэж эхэлжээ. Цэргийн жинхэнэ алба татлагыг “Цэрэг татлагын товчоо” зохион байгуулж ажиллах юм байна. Тиймээс цэргийн албанд татагдах зарлан ирсэн залуус харъяа дүүргийн байранд бичиг баримтын хамт очих шаардлагатай гэнэ.

Нийслэлийн Засаг даргын захирамжийн дагуу цэргийн жинхэнэ албаны хугацаа дуусч, бэлтгэлээр халагдан ирж байгаа цэргийн үүрэгтнүүдийг, ажлын байраар хангах, төрөл бүрийн сургалтад хамруулах талаар зохион байгуулалтын арга хэмжээг авч хэрэгжүүлэхээр төлөвлөжээ.

Д.ЖАРГАЛ
АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна