Өршөөлийн хуулийг хаалттай дэгээр хэлэлцэж баталлаа

2015 оны 8 сарын 11

Улсын Их Хурлын Хууль зүйн байнгын хороо өнөөдрийн /2015.08.11/ хуралдаанаараа Өршөөлийн тухай хуулийн төслийн эцсийн хэлэлцүүлгийг хаалттай дэгээр хэлэлцсэн юм.

Үүний дараа УИХ-ын 2015 оны ээлжит бус чуулганы нэгдсэн хуралдаан хуралдаж, Засгийн газраас энэ оны 7 дугаар сарын 03-ны өдөр өргөн мэдүүлсэн Өршөөлийн тухай хуулийн төслийн эцсийн хэлэлцүүлгийг хаалттай дэгээр хэлэлцэж, баталлаа. Хаалттай хуралдсан чуулганы хуралдаан сая өндөрлөлөө.



Хууль зүйн байнгын хороо маргааш өглөө /2015.08.12/ 09.30 цагаас хуралдаж, Комисс байгуулах тухай Улсын Их Хурлын тогтоолын төслийг хэлэлцэх юм байна.

Харин өчигдрөөс хойш хүлээлт үүсгэж буй Засгийн газрын зарим гишүүдийг томилох асуудлыг маргааш УИХ-д өргөн баривал УИХ-ын даргын дэргэдэх зөвлөлийн хурлаар чуулганы хуралдааны хуваарийг шинэчлэн баталж, хуралдах ажээ.


Б.ЭНХ

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна