Аймгийн ИТХ-ын төлөөлөгчдийн зөвлөгөөн болов

2017 оны 1 сарын 11

1992 оноос эхлэн Нутгийн өөрөө удирдах ёсны байгууллага болох аймаг, сумын ИТХ байгуулагдаж, тухайн нутаг дэвсгэрийн эдийн засаг, нийгмийн асуудлыг бие даан зохион байгуулан, орон нутгаа хөгжүүлэх чиг үүргийг баримтлан ажиллаж байна.

Энэ хугацаанд Дархан-Уул аймгийн ИТХ-ын Тэргүүлэгчдийн ажлын албанаас Төлөөлөгчдийг мэдээллээр хангах зорилгоор Төлөөлөгчдийн зөвлөгөөнийг зохион байгуулж ирсэн. Аймгийн ИТХ-ын Төлөөлөгчдийн Зөвлөгөөн өнөөдөр /2017.01.11/ ЗДТГ-ын Хурлын танхимд зохион байгуулагдлаа. Уг зөвлөгөөнөөр “Эрүүл мэндийн газрын 2016 оны үйл ажиллагааны тайлан, томуугийн дэгдэлттэй холбоотой цаг үеийн мэдээлэл”, “Онцгой байдлын газрын 2016 онд аймгийн ард иргэдийн аюулгүй байдлыг хангаж ажилласан тухай мэдээлэл, “Зохион байгуулалт, захирамжлалын баримт бичгийн стандарт /MNS 5140/, Төрийн албан хэрэг хөтлөлт, “Аймгийн ИТХ,Тэргүүлэгчдээс 2017 онд хийж гүйцэтгэх ажлын төлөвлөгөөний төсөлд санал авах тухай” зэрэг мэдээллүүдийг Төлөөлөгчдөд танилцуулсан юм. Мөн зөвлөгөөний үеэр Төлөөлөгчид дээрх мэдээллүүдтэй холбоотой асуулт тавьж, аймгийн Эрүүл мэндийн газар, Онцгой байдлын газрын үйл ажиллагаатай холбоотой санал гаргалаа.

ЭХ СУРВАЛЖ: DARKHAN.GOV.MN

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна
/*