Төрийн жинхэнэ албан тушаалын ажлын байрны сул орон тоог нөхөх иргэдийг сонгон шалгаруулах  Төрийн албаны мэргэшлийн шалгалтууд өнөөдөр Улаанбаатар хотоос эхэллээ. Түүнчлэн энэ сарын 6-нд Завхан, Өмнөговь, Хөвсгөл, Архангай, Баян-Өлгий, Увс аймгуудад үргэлжилнэ. Харин  Зам, тээвэр, барилга, хот байгуулалтын яам, Хүнс, хөдөө аж ахуй, хөнгөн үйлдвэрийн яам, Авто тээврийн газар, Соёл урлаг хороо энэ сарын 6, 7-нд бүртгэлээ явуулж 10-нд шалгалтаа авах аж. Төмөр замын газар, Цөмийн энергийн газар энэ сарын 16, 17-нд шалгалт өгөх хүсэлтэй иргэдийг бүртгэж 21-нд  мэргэшлийн шалгалтаа авах аж. Дашрамд дуулгахад  Нийслэлийн Байгаль хамгаалах газрын “Байгаль хамгаалагч”-ийн сул ажлын байрыг нөхөх мэргэшлийн шалгалтыг ирэх оны нэгдүгээр сард зохион байгуулахаар шийдвэрлэсэн тул энэ удаад тухайн ажлын байр дээр мэргэшлийн шалгалтын бүртгэл явагдахгүй аж.