“Интер ном” номын их дэлгүүртэй хамтран өнгөрсөн долоо хоногийн bestseller номуудыг танилцуулж байна. Уран зохиолын  bestseller-т Хятадын 2005 оны хамгийн шилдэг зохиолоор шалгарч, дэлхийн 31 оронд орчуулагдан гарсан “Чонон сүлд” роман тэргүүлжээ. “Үзэмж төгөлдөр, эрх чөлөөт байдлаа хадгалсаар байгаа Монгол Улсын их тал нутагт энэ номыг зориулав” гэж номынхоо өмнөх үгэнд дурдсан зохиолч Зян Рун эл бүтээлээ монгол уншигчдын дунд хамгийн их гүйлгээтэй байгаа аж. Бусад оронд “Чонон тотем” нэрээрээ алдаршсан энэ номыг монгол хэлнээ орчуулагч  Д.Болдбаатар орчуулан уншигчдын хүртээл болгосон юм. Харин Уран зохиолын бус bestseller-ыг  Цастын орны эртний бөгөөд өнөөгийн Бурханы шашны уламжлалт билгүүн ухааны хосгүй нэгэн хослол болсон Буддизмын агуу багш нарын нэг болсон гэвш Майкл Роачын “Очир огтлогч” ном тэргүүлсэн байна.