XVII жарны “Илжиг” хэмээх төмөр туулай жилийн сар шинийн баярт зориулсан хүчит бөхийн барилдааны гурвын даваа үргэлжилж байна. Гурвын даваанд улсын заан Б.Соронзонболд цэргийн хурц арслан Ч.Санжаадамбыг амлан барилдаж, хоёр бөхийн даваа, унаа маргаантай болсон учир Хөлийн цэцийн шийдвэрээр дахин барилдууллаа. Ингээд хоёр дахь барилдаанд Архангай аймгийн Хашаат сумын харьяат, Уулын баяжуулах “Эрдэнэт” үйлдвэрийн “Хангарьд” спорт хорооны бөх, цэргийн хурц арслан Ч.Санжаадамба давлаа.