НҮБ-ын Хүүүхдийг ивээх сан, Азийн хөгжлийн банк зэрэг байгууллагаас 60 гаруй тэрбум төгрөгийг дунд сургуулиудын засвар үйлчилгээний ажлын санхүүжилт болгон өгчээ. Эл ажилд нийт 70 гаруй тэрбум төгрөгийн хөрөнгө оруулалт шаардлагатай байсан тул үлдсэн 10 орчим тэрбумыг улсын төсвөөс гаргасан байна. Дээрх хөрөнгөөр боловсролын салбарт 86 барилга барьж, 211-т нь иж бүрэн засвар хийхээр төлөвлөжээ. Мөн Дэлхийн банкны хөрөнгө оруулалтаар нийслэлд 19, бүх аймгийн төвүүдэд тус бүр нэг, нийт 40 цэцэрлэг барих гэнэ.