Монголын үйлдвэрчний эвлэлийн байранд өнөөдөр 12.00 цагт багш, ажилчид цалин нэмүүлэх талаар хэвлэлийн хурал зарлажээ. Одоогийн их, дээд сургууль болон ерөнхий боловсролын сургуулиудын цалин амьдралд нь хүрэлцэхгүй, ачаалал ихтэй гэсэн шалтгаанаар цалингаа нэмүүлэхийг хүсч байгаа юм байна. Энэхүү хуралд их, дээд сургууль, ерөнхий боловсролын сургуулиудын багш, ажилчидын төлөөлөл болон үйлдвэрчний эвлэлүүд оролцох ажээ.