244 жилийн түүхтэй Британика толь бичгийг цаашид олон боть болгож цаасан дээр хэвлэхгүй гэнэ. Британика толь бичгийг хоёр жил тутамд цуврал ботиор хэвлэн гаргаж ирсэн ч 2010 оны 32 боть хамгийн сүүлчийнх нь болж байна. Толь бичгийн хэвлэлийн компани цаасан хэвлэлийн оронд дижитал толь бичгийг боловсролын гол хэрэгсэл болгоход анхаарч байгаа гэнэ. Хэвлэлтийн тоогоор аваргалсан Британика толь бичгийн хэвлэлийн компанийн захирал Йорг Каус энэ алхмыг компанийн хувьслын нэг хэсэг гэж тайлбарлажээ.

Тэрбээр "Цаасан хэвлэлийн эрин дуусч буйг хүмүүс ойлгох байх. Гэвч энэ бол уналт биш” хэмээн ярьжээ. Британика толь бичгийг анх 1994 онд дижитал хэлбэрт шилжүүлснээс хойш орлогын 85 хувийг онлайн сурах бичиг, хөтөлбөрөөс олжээ.