Халхгол сумын нутаг дахь Баянхошуу-Өвдөгийн боомт энэ сарын 1-15-ны хооронд   нээгджээ. Энэ хугацаанд Урд хөрш талаас Их Бурхант болон Буйр нуурыг зорьсон аялагчид цөөнгүй ирсэн байна. Энэ үеэр ӨМӨЗО-ны  Амгалан тосгоны удирдагчид ирж тус сумын удирдлагуудтай уулзаж цаг үеийн асуудлаар санал солилцжээ. Монгол улс БНХАУ-ын Засгийн газрын хооронд байгуулсан гэрээ хэлэлцээрийн дагуу Хятадын тал Халхгол сумын Ялалт багийн нутагт гэрээний дагуу хадлан бэлтгэдэг юм байна. Гэрээний хугацаа энэ жил дуусаж байгаа тул дахин сунгахаар болжээ. Саяхан Амгалан тосгоны хөрөнгө оруулалтаар Халхгол суманд “Амгалан” нэртэй гудамжийг байгуулсан байна. Уулзалтаар уг гудамжны замын гэрэлтүүлэг хүүхдийн тоглоомын талбайг хүлээлгэн өгсөн байна. Цаашид Амгалан гудамжинд явган хүний зам нэмж барихаар төлөвлөж байгаа гэнэ. Мөн энэ үеэр Баянхошуу- Петрочайна дачин тамсагийн чиглэлд засмал зам тавих асуудлыг ч хөндөж ярилцсан байна.