"Бүх мусульманы нийгэмлэг ба можехадуудад Ливийн арслан, шейх Хасан Мохаммед Каидагийн шаналан тарчлан амиа өгснийг дуулгае” хэмээн аль-Завахири мэдэгджээ.
Аль-Либийн үхлийн талаар анхны мэдээ зургадугаар сард гарч ирсэн байлаа. “Аль-Кайдагийн” хоёр дахь том удирдагчийг устгасан тухай Вашингтон зургадугаар сарын 5-нд албан ёсоор мэдээлсэн юм. Түүнийг Америкийн нисгэгчгүй онгоц Пакистаны хойд нутагт устгасан байв. Дараагийн өдрүүдэд нь "Аль-Каида" аль-Либийн видео бичлэгийг тарааж эхэлсэн юм. Гэхдээ бичлэг нь үнэнд ойр гэсэн баталгаагүй байв. Аль-Либи нь Америкийн мэдээгээр Пакистаны “Аль-Каидагийн” ажиллагааг хариуцаж байснаас гадна дэлхийн олон оронд тус сүлжээний холбоог гартаа атгаж байжээ. Ийнхүү Осама бин Ладенийг устгасан "Жеронимо" ажиллагааны дараах америкчуудын террористуудтай хийсэн тэмцлийн том амжилт нь аль-Либийг устгасан хэрэг болжээ.