Хятад 2900 уурхайгаа хаажээ

Хуучирсан мэдээ: 2012.09.25-нд нийтлэгдсэн

Хятад 2900 уурхайгаа хаажээ

Хятадын Өвөр Монголын өөртөө засах орон уул уурхайн хууль бус үйл ажиллагааг зогсоож, байгаль орчны нөхөн сэргээлтийг сайжруулан, байгалийн баялгийг сайн менежменттэй ашиглах долоон жилийн төлөвлөгөөний дагуу нүүрсний 900 уурхай болон бусад 2000 уурхайг хаагаад байна. Өнгөрсөн жил нэг жилийн олборлолт нь нэг тэрбумд дөхөж очсон Өвөр Монголын хуучны нүүрсний уурхайн мужид л гэхэд 1300 уурхайгаас 500 уурхайг хаажээ. Тус бүс нутгийн Газар, эрдэс баялгийн газар  жилийн олборлолт нь 300,000 тонн хүрэхгүй жижиг уурхайг хаах шийдвэр гаргасан байна.

Өвөр Монгол нь Хятадын газрын ховор элементийн үйлдвэрлэлийн хамгийн чухал төв юм. Хятад Улс цахилгаан бараа, хамгаалалтын систем болон байгаль орчинд ээлтэй, өндөр технологийн үйлдвэрлэлийн чухал түүхий эд болох 17 төрлийн газрын ховор элементийн дэлхийн хамгийн том нийлүүлэгч улс. Хятад Улс 2009 оноос эхлэн газрын ховор элементийн хууль бус үйлдвэрлэлийг зогсоож, зөвхөн цөөхөн том үйлдвэрлэгчдэд үйлдвэрлэл явуулах эрх олгосон нь импортлогч орнуудын зүгээс эсэргүүцэлтэй тулгарсан юм.

Газрын ховор элементийн хамгийн том хэрэглэгч Хятад энэ салбарын үйлдвэрлэлд хяналтаа чангатгаснаас лантан, цери зэрэг зарим төрлийн ховор элементийн ханш 80 хувиар буурсан үзүүлэлт гарчээ.

Н.Энх

NewsMN Гар утасны хувилбар Татах
NEWS.mn

Мэдээллийн эх сурвалж