“Шударга ёс” эвслийг бүрдүүлэгч нэг субъект болох МАХН-ын Гүйцэтгэх товчоо  Засгийн газраас гарах шийдвэр гаргаад долоо хонож байна. Өнгөрсөн хугацаанд МАХН-ын дэд дарга Д.Тэрбишдагва МАХН, МҮАН хамтарсан мэдэгдэл хийнэ гэж мэдэгдэж байсан ч одоо болтол хийгээгүй байна. Эвслийг бүрдүүлэгч хоёр нам энэ талаар ямар байр суурьтай байгаа талаар УИХ дахь “Шударга ёс” эвслийн бүлгийн дарга, МҮАН-ын төлөөлөл, эрхэм гишүүн Н.Батцэрэгээс тодрууллаа.

-МАХН, МҮАН хамтарсан мэдэгдэл гаргана гэж өмнө нь мэдэгдэж байсан. МАХН Засгийн газраас гарах талаар эвслийн бүлгээр хэлэлцсэн үү. МАХН, МҮАН ямар байр суурьтай байгаа вэ?

-Үүнийг эвслийн бүлэг дээр нэг ярьсан. МҮАН-ын хувьд МАХН Засгийн газраас гарах нь зохимжгүй гэдгээ илэрхийлсэн. МАХН-ын хувьд нарийн бичгийн дарга нар нь өдөр бүр хуралдаж улс төрийн нөхцөл байдлыг хэлэлцэж байгаа юм билээ. Улс төрийн нөхцөл хаашаа эргэхээс шалтгаалж засгаас гарах эсэхээ шийдэх талаар ярьж байгаа.