Авлигатай тэмцэх газраас авч байгаа албан тушаалтнуудын хувийн ашиг сонирхлын мэдүүлэг болон хөрөнгө, орлогын мэдүүлгийг шинэчлэн бүртгэх ажил маргааш дуусгавар болно. Мэдүүлэг бүрдүүлэлтийн явцын талаар албаны эх сурвалжаас тодруулахад “Улсын хэмжээнд өнөөдрийн байдлаар 47 гаруй мянган мэдүүлэг гаргагчийн 95 орчим хувь нь мэдүүлгээ бүртгүүлээд байна. Хөрөнгө оруулгын болон хувийн ашиг сонирхлын мэдүүлгийг маргааш өдрийн 17.00 цаг хүртэл цаасаар болон цахимаар авах болно” гэв.