Уран гулгалтын ДАШТ эхэллээ

Хуучирсан мэдээ: 2013.03.14-нд нийтлэгдсэн

Уран гулгалтын ДАШТ эхэллээ

Канадын Онтарио мужийн Лондон хотноо уран гулгалтын насан хүрэгчдийн дэлхийн аварга шалгаруулах тэмцээн эхэллээ. Зургаан өдөр үргэлжлэх энэ удаагийн тэмцээнд Солонгосын нэрт уран гулгагч Ким Юүна оролцож байгаа юм. Тэрээр сүүлийн хоёр жилийн турш ямар нэгэн уралдаан, тэмцээнд оролцоогүй билээ. Түүнээс гадна дэлхийн аварга, олимпийн мөнгөн медальт Японы Мао Асада, өнгөрсөн жилийн дэлхийн аварга, Европын тэргүүн гулгагч Италийн Каролина Костнер тэргүүтэй шилдгүүд өрсөлдөж байна.

Мэргэжилтнүүдийн хувьд эмэгтэйчүүдийн ганцаарчилсан төрөлд анхаарал хандуулж байна. Мөн үзэгчдийн анхаарлыг дээрх төрлийн өрсөлдөөн татаж байгаа юм. Өчигдөр урьдчилсан үзүүлбэр дуусч, үргэлжлээд хос болон эрэгтэйчүүдийн богино үзүүлбэрийн тэмцээн болжээ. Харин өнөөдөр бүжгийн хос болон эмэгтэйчүүдийн богино үзүүлбэрийн тэмцээн болно. Маргааш хос болон эрэгтэйчүүдийн чөлөөт, нөгөөдөр бүжиг, эмэгтэйчүүдийн чөлөөт үзүүлбэр болох юм. Тэгвэл ням гаригт гала тоглолт болсноор дэлхийн аварга шалгаруулах тэмцээн өндөрлөх ажээ.

Б.ЗУЛ

Эх сурвалж: “ҮНДЭСНИЙ ШУУДАН” сонин

NewsMN Гар утасны хувилбар Татах
NEWS.mn

Мэдээллийн эх сурвалж