Дэлхийн дулаарал, уур амьсгалын өөрчлөлтийн эсрэг дэлхий нийтээрээ нэгддэг “Эх дэлхийн цаг” арга хэмжээ өнөөдөр 19.00 цагаас Сүхбаатарын талбайд болох гэж байна. Энэхүү арга хэмжээний хүрээнд 19.30-21.30 цагийн хооронд гэрлээ унтрааж дэлхийн дулаарал, уурь амьсгалын өөрчлөлтийн эсрэг зогсохыг уриалж байгаа юм. “Эх дэлхийн цаг” арга хэмжээг жил бүрийн гуравдугаар сарын сүүлчийн бямба гаригт зохион байгуулдаг уламжлалтай бөгөөд уур амьсгалын өөрчлөлттэй тэмцэхэд хүн бүрийн оролцоо чухал гэдгийг ойлгуулахад оршиж байгаа юм.