Монголын Улсын анхны олимпийн аварга Найдангийн Түвшинбаяр 1984 оны зургадугаар сарын 1-нд Булган аймгийн Сайхан суманд төржээ. Аварга Биеийн Тамирын Дээд Сургуулийг багш дасгалжуулагчийн мэргэжлээр төгссөн тэрбээр жүдо бөхийн спортоор 18 наснаасаа эхлэн хичээллэсэн байна. Ази тивийн аварга шалгаруулах тэмцээнээс мөнгөн медаль хүртсэнээр томоохон амжилтынхаа гарааг эхэлсэн Н.Түвшинбаяр “Дэлхийн цом”-ын тэмцээнүүдэд амжилттай оролцож байсан юм. Түүний оргил амжилт яахын аргагүй 2008 оны Бээжингийн олимпийн наадмын алтан медаль юм. Энэхүү түүхэн амжилтыг гаргасны учир түүнд 2008 оны наймдугаар сарын 14-нд Монгол Улсын Ерөнхийлөгчийн зарлигаар Монгол Улсын Хөдөлмөрийн баатар, Сүхбаатарын одон, Алтан гадас одон, Монгол Улсын гавъяат тамирчин цол хүртээсэн юм. Өдгөө олимпийн аварга маань жүдо бөхийн үндэсний шигшээ багт харьяалагдан, бэлтгэл сургуулилтаа базааж байна.

Амжилтын товчоон:

• Зуны олимп:

Алт:     Бээжин-2008     /-100 кг/

• Азийн АШТ:

Мөнгө:     Кувэйт-2007     /-100 кг/
Хүрэл:     Жежү-2008     /-100 кг/

• Зүүн Азийн АШТ:

Хүрэл:     Улаанбаатар-2006     /+100 кг/