Английн дуучин, жүжигчин Рита Ора уржигдар /ХI.26/ 23 нас хүрчээ. Тэрээр төрсөн өдрийн баяраа өргөн хүрээнд тэмдэглэж, үдэш нь Лондонд орших “The Box” шөнийн клубт наргиснаар өндөрлүүлсэн байна. Гэвч Рита Ора “бор дарсанд” халж, биеэ зөв авч явахаа умартсанаас папарациудад дотоожоо харуулчихжээ. Үүний гайгаар маргааш нь Рита Орагийн энэ зураг шар хэвлэлүүдээр дүүрэн гарсан байна.

Тэрээр Их Британид хамгийн олон шилдэг сингл гаргасан дуучдын нэг бөгөөд 2013 оны “BRIT Awards” хөгжмийн наадмын гурван шагналд нэр дэвшиж байсан юм.