Засгийн газар, Монголбанк хамтран жилийн найман хувийн хүүтэй зээлийг гаргаад бүтэн нэг жил болох гэж байна. Тиймээс энэ зээл эзэддээ хэрхэн хүрсэн бэ, эдийн засагт ямар үр дүн үзүүлсэн талаар зээлд хамрагдсан иргэдийн дунд Барилга хот байгуулалтын яамнаас судалгаа хийхээр болсон байна.  Найман хувийн хүүтэй зээлд нийтдээ 31 мянган иргэн хамрагдсан бөгөөд  энэхүү зээлд зорилтот төвшнийхнөөс хэд нь хамрагдаж чадсан бэ, хэд нь хөрөнгө оруулалт хийх буюу давхар бодлоготойгоор авсан бэ гэдгийг судалгаагаар тогтоох ажээ.