Хулгайч
Нэгэн тариачны тахиа нь алга болчихож гэнэ. Тэгээд хажуу айлынхаа хүнийг тахиагаа хулгайлж авчээ гэж хардан боджээ. Хөршөө сайн ажиглан харах тусам түүний байгаа байдал нь яг л хулгайч мэт , харц нь хулгайч мэт ийш тийш хяламхийж, ямар нэг юм эрж хайж байгаа мэт, ярихаас зайлсхийгээд байгаа ч юм шиг санагдаж гэнэ. Гэтэл удалгүй өөр нэгэн хөрш нь түүний тахиаг олоод авчирч өгөв. Дараа өдөр нь хулгайд хардсан өнөө хөршөө дахин ажиглан харвал – хулгайчтай огт төсгүй, явж байгаа, харж байгаа, алхаж байгаа нь чин шудрага хүн мэт харагдаж гэнэ.