Яргуй идсэн бор гөрөөсний цус уух нэрээр хууль бусаар ан хийхгүй байхыг Мэргэжлийн хяналтын ерөнхий газраас анхааруулж байна. Хэрэв хууль бусаар ан агнавал байгаль орчны хяналтын улсын байцаагч захиргааны хариуцлага ногдуулдаг аж. Тодруулбал, “Ан амьтны экологи-эдийн засгийн үнэлгээ”-гээр,
Гур 330 мянган төгрөг
Зүр 400 мяннган төгрөг
Эр янзага 230 мянган төгрөг
Эм янзага 280 мянган төгрөг байдаг бөгөөд хэрэв хууль бусаар агнавал энэхүү үнэлгээг улсын байцаагчийн актаар хоёр дахин өсгөж нөхөн төлүүлэх юм байна.
Хэрхэн зөвшөөрөл авах вэ?
БОНХАЖ-ын сайдын тушаалаар тогтоосон тухайн жилийн хяналтын тоонд багтаан сум, дүүргийн Засаг даргатай байгуулсан гэрээгээр анчны үнэмлэхтэй иргэн, хуулийн этгээд үйлдвэрлэлийн зориулалтаар бор гөрөөс агнаж, барих тусгай зөвшөөрөл авдаг аж.
Дашрамд, төлбөр төлж, тусгай зөвшөөрөл авалгүйгээр бор гөрөөс агнасан, барьсан тухай мэдээллийг Мэргэжлийн хяналтын ерөнхий газрын 1800-1286, ажлын 263065 дугаарын утсаар хүлээн авч байна.
Д.ЖАРГАЛ