Оюутнууд суулт зохион байгуулав

2015 оны 10 сарын 20

Монголын оюутны холбооноос цахим карттай холбоотойгоор эсэргүүцлээ илэрхийлж, өлсгөлөн зарлаж, суулт зохион байгуулна гэдгээ өчигдөр хэвлэлийн бага хурал хийх үедээ мэдэгдсэн. Тэгвэл тус холбооныхон  Чингисийн талбай дээр суулт хийж байна. Суулт хийхээр болсон шалтгаанаа  “Нийтийн тээврээр хөнгөлттэй зорчих карт зарим оюутнуудад одоо болтол очоогүй байгаа. Оршин суугаа газрын тодорхойлолт шаардаж, өдөрт хоёр удаа үнэгүй явах гэх мэт зохицуулалт хүндрэлтэй байгаа. Гомдол, хүсэлт гаргасан оюутнууд ажлын байран дээр багтахаа байсан тул Чингисийн талбайд ажиллана” гэсэн юм. “Монголын оюутны холбоо энэ зунжин ажиллаж 64.000 оюутны картыг хэвлэж, бэлэн болгосон. Гэтэл одоо үүгээр зорчуулахгүй гэнэ. Хууль, дүрэм, журмаа эргээд харвал энэ картаар зорчино. Гэтэл гэнэт л нийтийн тээврийн шинэчлэл гэсэн нэрийн дор өөр бас нэг карт гараад ирлээ. Нэг ёсондоо хууль, дүрэм, журмууд нь хоорондоо зөрчилдөж, энэ бүхнээс нь болж оюутнууд хохирч байна” гэж тэд үзэж байгаа аж.

Г.ТУУЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна