“Нэр төр эрхэмсэг амьдрал” ТББ-ынханд талархал илэрхийлэв

2015 оны 10 сарын 21

Монголд 66 мянган мод тарьсан “Нэр төр эрхэмсэг амьдрал” ТББ-ын гишүүдэд талархал илэрхийллээ

Өнөөдөр БОНХАЖ-ын сайд Н.Батцэрэг, сайдын зөвлөх А.Цолмон нар “Нэр төр эрхэмсэг амьдрал” ТББ-ын тэргүүн Д.Наранцогт болон тус ТББ-тай хамтран ажилладаг БНХАУ-ын Шилийн гол аймгийн “Тулга, хайр халамж” холбооны тэргүүн С.Түмэнжаргал, “Сайн хүн” аяныг санаачлагч Д.Сайжраа нарыг хүлээн авч уулзлаа.

“Нэр төр эрхэмсэг амьдрал” нь Монгол орны 8 аймгийн 41 сум, Нийслэлийн 7 дүүрэгт нийтдээ 66 мянган мод тарьж ургуулсан байна.

Цаашид ч мод тарих хөдөлгөөнөө үргэлжлүүлэн ажиллахаа сайд Н.Батцэрэгт дуулгасан юм.

Сайд Н.Батцэрэг: Монгол орны усны төвшин жил ирэх бүр доошилж буй энэ үед ойжуулалтын ажил зохион байгуулахаас өөр аргагүй байгаа ч бидэнд ойжуулах ажлыг хаана зохион байгуулах, хөрөнгө мөнгө, хүн хүч, тарьсан модоо эзэнжүүлэхээс эхлээд шийдвэрлэх олон асуудал байна. БОНХАЖЯ мод тарьж буй та бүхний хөдөлгөөнийг бодлогын хувьд дэмжих болно гэлээ.

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна