7 шатахуун түгээх станцын үйл ажиллагааг зогсоолоо

2015 оны 10 сарын 26

Галын аюулгүй байдлаа хангаагүй 7 шатахуун түгээх станцын үйл ажиллагааг зогсоолоо

Монгол Улсын Шадар сайдын баталсан удирдамжийн дагуу Нийслэлийн Онцгой байдлын газрын Гал түймрийн улсын хяналтын байцаагч нар нийслэлийн нутаг дэвсгэрт байршилтай үйл ажиллагаа явуулж буй газрын бүтээгдэхүүний агуулах, шатахуун түгээх станц, шингэрүүлсэн хийн түлшний станцуудад  гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт шалгалтыг 2015 оны 9 дүгээр сарын 14-ний өдрөөс 10 дугаар сарын 15-ны өдрүүдэд зохион байгууллаа.

Шалгалтанд нийслэлийн нутаг дэвсгэрт үйл ажиллагаа явуулж байгаа 170 объект хамрагдаж, галын аюулгүйн дүрэм, норм, стандартын холбогдох заалтыг зөрчсөн 1020 зөрчил илрүүлж, 126 зөрчил буюу 12.3 хувийг газар дээр нь арилгуулан, бусад зөрчлүүдийг арилгуулахаар биелүүлэх албан шаардлага 138, мэдэгдэл 19, танилцуулга 21, ажиллагаа зогсоох тогтоол 7, дүгнэлт 1-ийг бичиж, байгууллагын шийдвэр гаргах эрх бүхий албан тушаалтанд хүргүүлж, хэрэгжилтэнд нь хяналт тавьж ажиллаж байна.

Шалгалтын явцад галын аюулгүй байдлын норм, нормативын баримт бичгийн шаардлагыг ноцтой зөрчсөн Шунхлай Трейдинг ХХК-ийн шатахуун түгээх станц 26 дугаар салбар, Жаст-Ойл ХХК-ийн шатахуун түгээх станц 8 дугаар салбар, Петро Жамп ХХК-ийн шатахуун түгээх станц 2 дугаар салбар, Сод Монгол групп ХХК-ийн шатахуун түгээх станц 28, 56 дугаар салбар, Дашваанжил ХХК-ийн автомашиныг хийгээр цэнэглэх станц 15 дугаар салбар, Бадрал  ХХК-ийн шатахуун түгээх станц 1 дүгээр салбар зэрэг нийт 7 газрыг Монгол Улсын Галын аюулгүй байдлын тухай хуулийн 6 дугаар зүйлийн 6.1.5 дахь заалтыг үндэслэн үйл ажиллагааг түр зогсоох арга хэмжээг авч, зөрчлийг арилгуулж, мэргэжлийн заавар зөвөлгөөг өгч ажиллалаа.                

Монгол Улсын Галын аюулгүй байдлын тухай хуулийн 25 дугаар зүйл, Захиргааны хариуцлагын тухай хуулийн 25 дугаар зүйлийн 251 дэх заалтыг үндэслэн нийт 19 субъектыг 6.012.000 /зургаан сая арван хоёр мянган/ төгрөгөөр торгож захиргааны арга хэмжээ  тооцсон.

ЭХ СУРВАЛЖ: НИЙСЛЭЛИЙН ОНЦГОЙ БАЙДЛЫН ГАЗАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна