Холливудын алтан үеийн жүжигчин таалал төгсчээ

2015 оны 10 сарын 26

Холливудын алтан үеийн төлөөллөөс үлдсэн сүүлчийн жүжигчин Маурин О’Хара таалал төгссөн талаар Ирландын хэвлэлүүд мэдээлжээ. Ирланд-Америк гаралтай жүжигчин Маурин О’Хара 95 насандаа таалал төгссөнийг менежер нь мэдэгдсэн байна. Тэрээр Айдахо муж улсын Бойсе хот дахь гэртээ унтаж байхдаа үүрд нойрссон гэнэ. Маурин О’Хара таалал төгссөнд Холливудын өнөө цагийн алдартнууд “Твиттер” хуудаснаа эмгэнэл илэрхийлэн жиргэцгээж байна.

Маурин О’Хара нь 1941 онд Оскар наадмын шагналыг түүсэн “How Green Was My Valley” киноны дүрээрээ алдартай юм. Түүнчлэн тэрээр “Miracle on 34th Street”, “ Hunchback of Notre Dame”, “Parent Trap” зэрэг кинонд дүр бүтээсэн юм. Маурин О’Хара Дублинд төрж өссөн бөгөөд 1939 онд Холливудад суурьшин АНУ-ын иргэн болжээ.

Эх сурвалж: ВВС

Б.АНХТУЯА

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна