А.Хишигдалай мюзикльд тоглоно

2015 оны 10 сарын 26

Рок попынхны дунд хүчтэй хоолойтой хэмээн сайшаагддаг залуу дуучин А.Хишигдалай зохиолч Т.Нипонийн “Үйлсийн сайхан Улаанбаатар” мюзикльд гол дүр бүтээхээр болжээ. Энэ удаагийн мюзикльд А.Хишигдалайгаас гадна рок поп ертөнцөд цахиур хагалж гарч ирж буй залуу уран бүтээлчид тоглохоор болсон байна. Тухайлбал, Г.Тэнүүн, СТА Т.Амина, С.Зоригт, Е.Даваасүрэн, мөн Улаанбаатар чуулгын гоцлол дуучид тоглох аж.

Дуучин А.Хишигдалайгийн хувьд UBS телевизийн “Universe best songs” наадмын шилдэг 25 оролцогч, “Best of best”-ын гранпригийн эзэн билээ. Түүний хувьд сүүлийн үед залуу дуучин С.Зоригттой дуэт уран бүтээл гаргасан нь олонд хүрч байгаа юм.

Ингээд залуу уран бүтээлчдийн тоглосон “Үйлсийн сайхан Улаанбаатар” мюзиклийг ирэх пүрэв гаригт Улаанбаатар чуулгын тайзнаас сонирхож болох юм байна.

М.КЕЙТ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна