“УБТЗ”-ынхан хэргийг нуусан уу?

2015 оны 10 сарын 27

“Улаанбаатар төмөр зам” нийгэмлэгийн ажилтан галт тэргэнд дайруулж амиа алдсан хэрэг гарчээ. Уг хэргийн талаар “УБТЗ”-ынхан тас нуусан сурагтай. Анх олон нийтэд эл хэргийг салбарын сайд нь дэлгэсэн. Тэрбээр "Зөрлөгийн дарга нь ажлынхантайгаа архидаж, галт тэргэнд дайруулж амь насаа алдсан байна. Улмаар хөдөлгөөн 9 цаг саатсан" гэж  твиттер хуудсаараа дамжуулан жиргэсэн юм. Зам, тээврийн сайд М.Зоригт дээрх асуудлаар “УБТЗ”-д шалгалт оруулсан бөгөөд замын дарга Д.Пүрэвбаатар “Тухайн хүн гэр бүлийн таагүй харьцаанаас болсон ч юм уу архи уусан үедээ шөнө дунд галт тэргэнд дайруулж амиа алдсан юм шиг байна” гэсэн тайлбар өгсөн байна. Ослын шалтгаан тодорхойгүй байгаа бөгөөд цагдаагийн байгууллага шалгаж байгаа бололтой.

Т.СОЛО

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна