Зогсоол дээрээс машинаа хулгайд алджээ

2015 оны 10 сарын 27

Нийслэлийн Сүхбаатар дүүргийн долдугаар хорооны нутаг дэвсгэрт байрны гадна зогсоол дээрээс машин хулгайлсан хэрэг өнгөрөгч бямба гарагт гарчээ.

Эл хэргийн талаар цагдаагийн байгууллагад дуудлага ирсэн бөгөөд дуудлагын дагуу хэргийг шалгаж Сүхбаатар дүүргийн долдугаар хороонд оршин суух хаягтай 24 настай эмэгтэй З-ийн “Toyоta Марк-Х” автомашиныг тодорхой оршин суух хаяггүй 27 настай эрэгтэй Н гэгч бусадтай бүлэглэн хулгайлсныг шуурхай эрэн сурвалжилж илрүүлжээ.

Уг хэргийг Сүхбаатар дүүрэг дэх цагдаагийн нэгдүгээр хэлтэст шалгаж байгаа аж. Тиймээс иргэдийг машинаа харуул хамгаалалттай, камертай зориулалтын зогсоолд байршуулж байхыг цагдаагийн байгууллагаас анхааруулж байна.

Ж.ӨӨДЛӨН

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна