Мария Шарапова хоёр дахь хожлоо авлаа

2015 оны 10 сарын 28

Сингапурт болж буй шилдэг найман эмэгтэй теннисчин оролцдог WTA Finals тэмцээний улаан хэсэгт тоглож буй ОХУ-ын Мария Шарапова Румыны Симона Халепийг 6:4, 6:4 хоёр үеийн турш илүүрхэн хожлоо. Тэрбээр эхний тоглолтоо Польшийн Агнешка Радваньскатай хийж, 4:6, 6:3, 6:4-өөр хожоод байсан юм. Ийнхүү Шарапова хэсэгтээ хоёр тоглолт хийж, ялалт байгуулснаар сүүлийн тоглолтоос үл хамааран хагас шигшээд өрсөлдөх боломжтой боллоо. Энэ хэсэгт Румыны Симона Халеп, Италийн Флавия Пеннетта нар нэг хожилтой бол Радваньска хоёр хожигдолтой явна.

Харин цагаан хэсэгт тоглож буй Испанийн Гарбин Мугуруса, Германы Анжелика Кербер нар хэсгийн эхний тоглолтод хожил авчээ.

Ганцаарчилсан болон хосын төрөлд болж буй WTA Finals тэмцээн арваннэгдүгээр сарын 1-ний өдөр өндөрлөнө.

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна