ТОСК-ийн захирал А.Гантулгад анхааруулга өгчээ

2015 оны 10 сарын 30

АТГ-т иргэдээс ирүүлсэн гомдол, мэдээллийн мөрөөр хяналт шалгалт явуулжээ. Шалгалтаар “Төрийн орон сууц корпораци” ТӨҮГ-аас тендер сонгон шалгаруулалтын үйл ажиллагааг явуулахдаа Үнэлгээний хорооны гишүүд нь Улсын Их Хурлын 2012 оны тавдугаар тогтоолын 3 дугаар зүйлийн 3.8.3 дахь хэсэгт заасны дагуу Төрийн болон орон нутгийн өмчийн хөрөнгөөр бараа ажил үйлчилгээ худалдан авах, шалгаруулахдаа “Ашиг сонирхлын зөрчилгүй гэдгээ илэрхийлэх, зөрчил үүссэн тухай мэдэгдэл”-ийг гаргаагүй нь тогтоогджээ.

Мөн Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 47 дугаар зүйлийн 47.7, 47.8-д заасан зөрчсөн байна.Тиймээс АТГ-ын бүрэн эрхийн хүрээнд гаргасан шийдвэрийг биелүүлэх, зөрчил гаргасан албан тушаалтнуудад хариуцлага тооцох, байгууллагын удирдах албан тушаалтнуудын түвшинд авлига, ашиг сонирхлын зөрчлөөс урьдчилан сэргийлэх үүргийг хэрэгжүүлж ажиллах талаар “Төрийн орон сууц корпораци” ТӨҮГ-ын ерөнхий захирал А.Гантулгад анхааруулсан байна.

Ж.ӨӨДЛӨН

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна