С.Цогбадрах дэлхийн дээд амжилтыг дахин шинэчлэв

2015 оны 11 сарын 1

Энэ амралтын өдрүүдэд Тайваньд Ой тогтоолтын 35 дахь удаагийн Олон улсын тэмцээн болж байна. Тус тэмцээний бага, дунд болон насанд хүрэгчдийн ангилалд Монголын Оюун Ухааны академийн найман тамирчин дэлхийн шилдгүүдтэй ой тогтоолтын төрлүүдэд өрсөлдөж байна. Тэмцээний эхний өдөр буюу өчигдөр манай баг тамирчид нийт 19 медаль хүртжээ.

Ой тогтоолтын их мастер С.Цогбадрах.

Ой тогтоолтын их мастер С.Цогбадрах тэмцээний хамгийн хүнд төрөл болох сонсголын ой тогтоолт шалгасан Spoken Number буюу Дуут цифр төрөлд өөрийн эзэмшиж байсан Дэлхийн дээд амжилт (390 цифр)-ыг эвдэж 432 цифр болгон шинэчлэн тогтоолоо. Энэ төрөл нь 470 секундэд дурын 470 цифр Англиар хэлэх бөгөөд үүнийг тогтоогоод ямар ч алдаа гаргахгүй санах даалгавартай. Нэг л цифр алдах юм бол алдсанаас хойш цифрүүд хичнээн зөв байсан ч оноонд тооцохгүй. С.Цогтбаяр 470 цифрийг бүгдийг нь санасан хэдий ч 433 дахь цифр дээр алдаа гаргасан байна. Гэхдээ тэрбээр энэ амжилтаараа урьд нь өөрийн эзэмшиж байсан дэлхийн дээд амжилтыг 432 болгон ахиуллаа.

Өнөөдөр тэмцээний сүүлийн төрлүүдийн дүн гарч, өндөрлөх юм.

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна