Байнгын хорооны хуралдааныг дахин хойшлуулав

2015 оны 11 сарын 4

УИХ-ын Байгаль орчин, хүнс хөдөө аж ахуйн байнгын хорооны хуралдаан үдээс өмнө хуралдаж 2016 оны төсвийн хуулийн төслийг хэлэлцсэн ч тодорхой шалтгааны улмаас хойшилсон. Улмаар байнгын хорооны хуралдааныг үдээс хойш дахин зарласан ч гишүүдийн ирц бүрдэхгүйгээс маргааш боллоо.

 

УИХ-ын Төсвийн байнгын хороо өнөөдөр хуралдсан ч зөвхөн Монгол Улсын Засгийн газар, БНХАУ-ын Экспорт, импорт банк хооронд байгуулах 1 тэрбум ам.долларын зээлийн ерөнхий хэлэлцээрийн төслийг хэлэлцэн дэмжиж, санал дүгнэлтээ УИХ-ын Аюулгүй байдал, гадаад бодлогын байнгын хороонд хүргүүлсэн юм.

Хэлэлцэх асуудалд нь Монгол Улсын 2016 оны төсвийн төсөл болоод түүнд холбогдох бусад хуулийн төслүүдийг багтаасан байсан ч Байгаль орчин, хүнс хөдөө аж ахуйн байнгын хороо ирэх оны төсвийн хуулийн төслийн хоёрдугаар хэлэлцүүлгээ хийж, чадаагүй тул тус байнгын хороо төсвийн хоёрдугаар хэлэлцүүлгийг базаж чадсангүй.

Г.ДАРЬ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна