Өндөржүүлсэн бэлэн байдал зарлажээ

2015 оны 11 сарын 5

 

Энэтхэгийн далайн эргийн Мальдив улс өндөржүүлсэн бэлэн байдал зарласан байна. Тодруулбал, тус улсын  Ерөнхийлөгч Абдулла Ямен өчигдөр сөрөг хүчин Засгийн газрын эсрэг томоохон жагсаал цуглаан зохион байгуулахаас  урьтаж, аюулгүй байдлыг хамгаалах өндөржүүлсэн бэлэн байдал зарлажээ.

 

Энэ тухай  Ерөнхийлөгчийн  туслах Муаз Али твиттер хуудастаа “Мальдив арваннэгдүгээр сарын 4-ний өдрийн үд дундаас эхлэн 30 хоногийн хугацаатай өндөржүүлсэн бэлэн байдал зарлаж байна” гэж жиргэсэн байна.

 

Мальдивд Ерөнхийлөгчийн амь насанд халдахыг завдсан хэргээр дэд Ерөнхийлөгч Ахмед Адеб өнгөрсөн сарын 24-нд баривчлагдсан юм. Түүнчлэн энэ долоо хоногт нийслэл хот дахь Ерөнхийлөгчийн ордоны хажуугаас алсын удирдлагатай тэсрэх бөмбөг олдох зэргээр сөрөг хүчний зүгээс явуулж буй заналхийлэл эрчимжих болжээ.

 

Б.ДАВАА

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна