Азтай Освальд Британиас олдов

2015 оны 11 сарын 5

“Хонхтой чарга” гэсэн нэртэй зургаан минутын хар цагаан зурмалыг Британийн киноны хүрээлэнгийн архиваас олсон байна.

Киноны гол баатар нь Освальд-Oswald the Lucky Rabbit нэртэй молтогчин туулай бөгөөд Уолт Дисней анх түүнийг 1927 онд бодож олсон анхны баатар нь гэнэ. Зурмал кино 1928 онд гарч иржээ. Үүний дараа Дисней Микки Маусыг бодож хийжээ. 

Зургаан минутын хар цагаан  зурмал кино  саяхан болтол эргэлт буцалтгүйгээр гээгдсэнд тооцогдож ирсэн юм. Гэтэл түүнийг Британийн киноны хүрээлэнгийн архиваас олжээ. Киноны пленкийг засч дуусгасан бөгөөд удалгүй уг киног нийтэд танилцуулна. Киноны зураглалын дагуу молтогчин туулай тэшүүрээр гулгаж, хоккей тоглоно. Түүнийг Уолт Диснейн зурмал ертөнцийн баатрууд хүрээлж байгаа.

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна