Есөн яамтай ажиллах төслийг татав

2015 оны 11 сарын 6

УИХ-ын чуулганы нэгдсэн хуралдааны эхэнд хурал даргалагч Засгийн газрын бүтэц, бүрэлдэхүүний тухай хуульд өөрчлөлт оруулах тухай хуулийн төслийг төсөл санаачлагчид нь буцаах болсон тухай дуулгалаа.

Засгийн газар дээрх хуулийн төслийг татаж авснаар 2016 оны наймдугаар сарын 1-нээс эхэлж Засгийн газар 9 яамтай ажиллах боломжгүй болж байгаа юм.

Эдийн засаг хүнд байгаа тул Засгийн газар Монгол Улсын 2016 оны төсвийн хуулийн төслийг боловсруулахдаа яамдын бүтцэд цомхотгол хийж, одоогийн 17 яамыг ирэх оны наймдугаар сараас 9 хүртэл цөөрүүлэхээр болж, УИХ-д холбогдох хуулийн төслийг өргөн мэдүүлсэн байсан юм. УИХ-аар дээрх хуулийн төслийг хэлэлцэх шатанд гишүүд “Шинээр бүрдэх Засгийн газрын бүтэц, бүрэлдэхүүнийг ийн хуульчилж баталгаажуулах нь Үндсэн хууль зөрчсөн хэрэг болно” гэж үзсэн учраас төсөл санаачлагч татан авлаа.

Г.ДАРЬ

 

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна