Өршөөлд хамрагдаж орон нутагтаа буцлаа

2015 оны 11 сарын 8

Хэнтий аймгийн Прокурорын газраас Өршөөл үзүүлэх тухай” хуулийн хэрэгжилтийг хангуулахтай холбогдуулан аймгийн прокуророор ахлуулсан ажлын хэсэг гарган тус аймаг дахь Хорих 419 дүгээр ангид хорих ялаар шийтгүүлж, эдлээгүй үлдсэн ялаас өршөөн хэлтрүүлэх асуудалд хамаарах ялтнуудын судалгааг гарган холбогдох арга хэмжээ авч ажиллажээ. Энэ ажлын хүрээнд 2015 оны арваннэгдүгээр сарын 4-ний өдөр ялтнуудын хувийн хэрэг материалыг хянаад, прокурорын тогтоол үйлдэж шүүхэд бүрэн шилжүүлсэн ба 2015 оны 11 дүгээр сарын 05-ны өдөр “Өршөөл үзүүлэх тухай” тухай хуулийн 4 дүгээр зүйлд хамрагдсан гэмт хэрэгт шийтгүүлсэн Сүхбаатар, Дорнод, Улаанбаатар, Дорноговь, Хэнтий аймгийн шууд суллагдах ялтнуудын асуудлыг шүүхээр бүрэн шийдвэрлүүлж дуусган ялтнуудыг өдөртөө багтаан оршин суух аймаг, орон нутагт нь хүргүүлж хүлээлгэн өгсөн байна.

Т.ДАВАА

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна