Азийн футзалын АШТ-ий урьдчилсан шатны тэмцээн болно

2015 оны 11 сарын 11

Ази тивийн футзалын 14 дэх удаагийн Азийн аварга шалгаруулах тэмцээн 2016 онд Узбекистан улсад болно. Тус тэмцээний зүүн бүсийн урьдчилсан шатны тоглолтууд энэ сарын 14-19-нд манай улсад болох гэж байна.

“Буян-Ухаа” спортын ордонд болох тус тэмцээнд БНСУ, БНХАУ, Тайвань, Хонгконг, Монгол Улсын шигшээ багууд өрсөлдөнө. Эндээс гурван баг Узбекистаныг зорих эрхийг авах аж.

Монгол Улсын шигшээ багийн дасгалжуулагчаар “Улаанбаатар Унаганууд”-ын С.Эрдэнэ-Очир ажиллаж байгаа бол багийн бүрэлдэхүүнд хаалгачаар Ю.Сайнхүү, М.Чанцал, Б.Сэр-Од, хамгаалагчаар Б.Мөнгөнтулга, О.Очбаяр, Н.Цэдэнбал, хагас хамгаалагчаар П.Алтантулга, Э.Баасандорж, О.Баяржаргал, Э.Ганзориг, А.Мөрөн, Э.Пүрэвдорж, Х.Цэнд-Аюуш, А.Улсболд, довтлогчоор Ц.Түмэнжаргал, Ц.Төмөр-Очир нар багтжээ.

Сануулахад, Монголын футзалын шигшээ баг ОХУ-ын Эрхүү хотноо нөхөрсөг тоглолтыг 10 дугаар сарын 26-ны өдөр хийлээ. Тэд ВЧНГ багт 4:8-аар хожигдсон ч Зенит Иркут багийг 7:5-аар хожсон байна.

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна