Японы анхны нисэх онгоц туршилтын нислэгээ хийлээ

2015 оны 11 сарын 11

 

Япончуудын бүтээсэн анхны зорчигч тээврийн нисэх онгоц өнөөдөр /XI.11/ туршилтын нислэгээ хийхээр хөөрлөө. “Мицубиши хүнд үйлдвэрлэл” группийн бүтээсэн  Мицубиши орон нутгийн нисэх онгоц (MRJ) Нагояа нисэх буудлаас амжилттай хөөрсөн байна.

 

Орон нутгийн нислэгт ашиглах “MRJ” онгоц нь 35 метр урт, хоёр хөдөлгүүртэй бөгөөд 80 хүний суудалтай байх аж. Японы инженерүүд “MRJ” онгоцыг Бразилийн “Embraer”, Канадын “Bombardier” онгоцнуудтай өрсөлдөхүйц хэмжээнд зохион бүтээхээр зорьсон байна. Энэ онгоц Японы нисэхийн салбарт шинэ хуудас нээсэн үйл явдал боллоо хэмээн эх сурвалжууд мэдээлжээ.

 

Япончууд өмнө нь 1962 онд “YS-11” онгоцыг зохион бүтээж байжээ. “Мицубиши” групп дэлхийн II дайны үеийн шилдэг байлдааны онгоц “Мицубиши Зеро” -г бүтээж байсан аж.

 

Б.АНХТУЯА

ЭХ СУРВАЛЖ: AGENCE FRANCE-PRESSE

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна