Нийслэлийн Сүхбаатар дүүргийн иргэн 27 настай Л гэгч эрэгтэй энэ сарын 5-ны өдөр “Машинаа гараашдаа тавьчихаад ирье” гээд гэрээсээ гараад ор сураггүй болсон талаар мэдээлсэн. Тэгвэл зургаа хоногийн дараа түүний автомашиныг Хөвсгөл аймгийн Алаг-Эрдэнэ сумын нутагт орших Хүслийн хадны зүүн талд Хөвсгөл нуурын эрэг дээр эзэнгүй байхад нь цагдаагийн алба хаагч олсон талаар бид мэдээлсэн.

27 настай Л гэгч залуу өмнө нь Өмнөговь аймгийн Тостын нуруунд байгаль хамгаалагчаар ажилладаг байхдаа хутгалуулж байсан талаар албан бус эх сурвалж мэдээллээ. Өнгөрөгч 6-7 сард Өмнөговь аймгийн Тостын нуруунд хоёр удаа хутгалуулсан гэв. Зунаас хойш энэ хэргийг Өмнөговь аймгийн цагдаагийн газарт шалгаж байжээ. Гэхдээ бусдад хорлогдсон уу, эсвэл өөрийгөө хутгалсан уу гэдгийг мөрдөн байцаалтын явцад шалгаж байсан аж.

Б.ЗАЯА