С.Эрдэнийг хохирогчоор дууджээ

Хуучирсан мэдээ: 2015.11.16-нд нийтлэгдсэн

С.Эрдэнийг хохирогчоор дууджээ

Өнгөрөгч баасан гаригт/11.13/ “Эрдэнэс-Таван толгой” компанийн “Эв санааны нэгдэл” үйлдвэрчний эвлэлийн дарга С.Эрдэнэ өөрийгөө шатааж, 200 гаруй хүний өмнөөс эсэргүүцлээ илэрхийлж буйгаа мэдэгдсэн. Түүнийг тэр даруйд нь 103-аар Түлэнхийн төвд хүргэсэн. Харин өнгөрөгч амралтын өдрүүдэд зарим сайтад С.Эрдэнэд Эрүүгийн хэрэг үүсгэн мөрдөн байцааж байгаа талаар мэдээлэл гарсан.

Энэ талаар Цагдаагийн ерөнхий газраас тодруулбал, С.Эрдэнийг хохирогчоор Сүхбаатар дүүргийн цагдаагийн нэгдүгээр хэлтэст шалгаж байгаа гэв. Харин тодорхой албан тушаалтнуудыг Эрүүгийн хуулийн 95-1-ээр мөрдөн байцааж байгаа аж. Энэ зүйл заалт нь бусдыг амиа хорлоход хүргэсэн гэх үндэслэл юм байна.

Б.ЗАЯА

 

NewsMN Гар утасны хувилбар Татах
NEWS.mn

Мэдээллийн эх сурвалж