АНУ Саудын Арабт зэвсэг нийлүүлэх гэрээ байгуулав

2015 оны 11 сарын 17

 

АНУ-ын төрийн департментаас Саудын Арабт 1.29 тэрбум ам.долларын өртөг бүхий тэсрэх бөмбөг худалдах гэрээ байгуулжээ. Гэхдээ Саудын Арабтай хийсэн зэвсгийн гэрээг зогсоохыг хүсвэл АНУ-ын Конгресс 30 хоногийн дотор арга хэмжээ авах ёстой аж. Саудын Араб нь хөрш Йемений шийтийн хоутис босогчдын эсрэг агаарын цохилт хийж байгаа билээ.

 

Ираны цөмийн хөтөлбөрийн гэрээ болон Сирийн ерөнхийлөгч Башар аль-Ассадын эсрэг дайралт хийхээс цааргалсан зэргээс үүдэн АНУ Саудын Арабын харилцаанд үл ойлголцол үүсээд байсан юм. Гэтэл Саудын Араб бол АНУ-ын хамгийн том зэвсэг худалдан авагч орнуудын нэг аж. Түүнчлэн “Исламын улс” бүлэглэлийн эсрэг Сири, Иракт агаарын цохилт өгөх олон улсын цэргийн эвсэлд АНУ-ын гол түшиг нь Саудын Араб юм. Саудын Арабын хаан Салман өнгөрсөн есдүгээр сард Вашингтонд айлчилснаар хоёр орны харилцаа сэргэсэн байна.

 

Б.АНХТУЯА

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна