Урд хөршийн баг хожиж, хэсгээ тэргүүлж эхэллээ

2015 оны 11 сарын 18

-Пүрэв гаригийн(XI.19) 20.00 цагаас Монгол-Тайваны шийдвэрлэх тоглолт болно-

Буянт-Ухаа спортын ордонд Ази тивийн футзалын аварга шалгаруулах тэмцээний зүүн бүсийн урьдчилсан шатны хэсгийн тоглолтууд болж байна. Өнөөдөр хоёр тоглолт болсон бөгөөд БНХАУ, Тайваны багууд өрсөлдөгчөө хожлоо.

БНХАУ-Монгол Улсын шигшээ багуудын тоглолт энэ цагт өндөрлөөд байна. Энэ тоглолтод өмнөд хөршийн баг 4:1-ээр хожиж, 9 оноогоор хүснэгтийг тэргүүлж эхэллээ. Манай шигшээ баг өнөөдөр хоёр дахь хожигдлоо авснаар 3 оноогоор дөрөвт бичигдсэн хэвээр үлдлээ. Мөн энэ өдөр Тайвань-ХонКонгийн тоглолтууд болж, 6:5-аар Тайваны баг хожлоо.

Одоогоор хүснэгтийг БНХАУ 9 оноотой тэргүүлж эхэлсэн Тайвань, БНСУ 6, Монгол 3, ХонКонг 0 оноогоор жагсаж байна. Энэ удаагийн тэмцээнд оролцож буй ХонКонгийн баг дөрвөн тоглолт хийхдээ нэг ч хожил авч чадсангүй.

Маргааш тэмцээний сүүлийн өдөр бөгөөд БНСУ-БНХАУ, Монгол-Тайваны тоглолтууд 17.00, 20.00 цагуудаас болно.

Хүснэгтийг БНХАУ тэргүүлж эхэллээ

  • БНХАУ 9 оноо (3 тоглолт хийснээс 3 хожилтой)
  • Тайвань 6 оноо (2 тоглолт хийснээс 2 хожил, 1 хожигдолтой)
  • БНСУ 6 оноо (3 тоглолт хийснээс 2 хожил, 1 хожигдолтой)
  • Монгол 3 оноо (3 тоглолт хийснээс 1 хожил, 2 хожигдолтой)
  • ХонКонг 0 оноо (4 тоглолт хийснээс нэг ч хожил аваагүй)

Гэрэл зургийг: Монголын Хөлбөмбөгийн Холбоо

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна