Настнуудад зориулсан байршил тогтоогчтой гутал

2015 оны 11 сарын 20

Байршил тогтоогч “GPS” системтэй гутлыг Японд худалдаалж эхэлжээ. Киото хотын "Wish Hills" компанийн гаргасан энэхүү гутлыг ой санамж нь муудсан өндөр настнууд болон төөрөх магадлал бүхий бага насны хүүхдүүдэд зориулсан байна.

Уг гутлын өсгий хэсэгт GPS-тэй холбосон жижигхэн төхөөрөмжийг суурилуулжээ. Энэ төхөөрөмжийн тусламжтайгаар уг гутлыг өмссөн хүмүүсийн байршлын талаарх мэдээллийг ухаалаг гар утаснаас эвсэл компьютероор авах боломжтой аж. Тусгай цахим хуудсанд бүртгүүлж, нууц үгийг нь авсны дараа гутлын эзний хөдөлгөөнийг төрөл төрөгсөд нь төдийгүй танилууд нь, мөн эмнэлгийн ажилтнууд ажиглах боломжтой.

Японд “GPS” системтэй хүзүүний зүүлтийг одоог хүртэл тарааж байгаа боловч хөгшчүүл ихэвчлэн гэртээ мартаж эсвэл замдаа хаяж гээдэг байна.

Японы Цагдаагийн газрын мэдээллээр, 2014 онд тус улсад 430 орчим хүн сураггүй алга болсны дийлэнх нь ахмад настнууд аж.

Т.МӨНХ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна