Парис хотруу галт тэрэг хөдөллөө

2015 оны 11 сарын 20

Монголын зорчигчид галт тэргээр Парис руу аялах боломжтой боллоо. Ази, Европыг холбосон тээврийн асуудал, байгаль орчинд үзүүлж буй сөрөг нөлөөллүүдийг багасгах зорилготой анх удаагийн аялалд Монгол улсыг төлөөлж “Улаанбаатар Төмөр Зам” хувь нийлүүлсэн нийгэмлэгийн үйлчилгээний хоёр ажилтан оролцохоор болж өнөөдөр төв вокзалаас хөдөллөө. Тэд энэ сарын 28–нд Францын нийслэл Парис хотноо болох дэлхийн төмөр замын байгууллагуудын дээд удирдлагын уулзалтад хүндэтгэл үзүүлэх юм. Галт тэргээр аялагчид 9 хоногийн турш төмөр замаар аялж Парис хотод очно.

Ийнхүү монголчууд төмөр замаар холбогдсон бүхий л газруудад зорчих, аялах боломжтой боллоо. Одоогийн байдлаар Улаанбаатар Төмөр зам билетийн касс Парис явах галт тэрэгний тасалбарын тооцоо суугаагүй аж. Харин Улаанбаатараас Москва хүртэл 365 мянган төгрөгөөр зорчдог. Түүнээс цааших чиглэлийг Оросын тал хариуцна хэмээн “Улаанбаатар Төмөр зам” хувь нийлүүлсэн нийгэмлэгийн олон улсын галт тэрэгний тасалбар түгээгчид ярьж байна.

Олон улсын төмөр замчдын холбоо, НҮБ–ын Байгаль орчны газраас хамтран зохион байгуулж байгаа үйл ажиллагааны хүрээнд  Бээжин- Улаанбаатар-Москва хотуудаар дамжаад Парист очих галт тэрэгний аяллыг өнөөдөр нэвтрүүллээ.

Т.НОМИН

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна